Me anë të disa përgjigjeve në ‘Instagramin’ e saj, Fjoralba Ponari ka treguar se është infektuar sërish me Covid-19. Moderatorja ka zbuluar se kësaj here ka një dhimbje kockash më të madhe dhe se nga infektimi i parë kanë kaluar 7 muaj.
“Jo kur ke Covid 2.0. Keq shumë kësaj radhe. Temperatura, mungesa e shijes apo kolla paskam qenë lule krahasuar me dhimbjen e kockave që po heq kësaj radhe”, ka pohuar Fjoralba. Më tej ajo ka sqaruar se pas sa kohësh është infektuar sërish dhe nga se e ka kuptuar.
“Kohën e saktë të infektimit nuk e di, por di që në fund të qershorit pata disa shqetësime dhe vendosa të bëja serologjikun për antitrupat, ku dhe më doli që e kam kaluar. Kështuqë i bie të paktën 7 muaj nga infektimi i parë”, ka treguar Ponari./revistawho.com
