Fjoralba Ponari do të drejtojë festivalin më të ri, “Jeho”, që shumë shpejt do të nisë transmetimin në “Top Channel”. E ftuar ditën e sotme në emisionin “Ftesë në 5”, Fjoralba ka zbuluar disa detaje në lidhje me këtë festival. Ajo ka treguar se “Jeho” është një festival i mirëfilltë dhe se çdo i ri që do të marrë pjesë duhet të paraqitet me një këngë, të cilën nuk e ka prezantuar asnjëherë më parë.
https://www.instagram.com/p/B6LmrF_l0Qx/
Gjatë intervistës moderatorja është pyetur edhe për rrugëtimin në televizion dhe si e vlerëson këtë vit që po ikën. Ajo ka treguar se 2019-ta për të ka qenë mjaft e suksesshme duke marrë parasysh që është angazhuar në disa emisione në “Top Channel”. Fjoralba është shprehur se pavarësisht kësaj nuk e sheh veten për shumë gjatë pjesë të televizionit si imazh. “Unë televizionin nuk e shoh për shumë gjatë si imazh, por nuk dua të shkëputem nga bota e medias, ndoshta ndonjë produksion më vonë, nuk i dihet. Emocionit të televizionit nuk dua t’i shkëputem”, ka thënë Fjoralba. Kujtojmë se ajo shfaqet çdo të diel në ekranin e “Top Channel” për moderimin e “E diell” së bashku me Nevina Shtyllën dhe Edi Manushin, si dhe i është besuar në dy sezone drejtimi i programit “Ora e Tiranës”. /revistawho.com
