Pritjes i erdhi fundi. Tanimë ka një datë për fillimin e “Ferma VIP” dhe është 22 marsi. Por jo vetëm kaq, prej kohësh përflitej emri i prezantueses, duke aluduar disa emra, por sot është zyrtare, moderatorja e programit do të jetë Fjoralba Ponari. Ajo e nis këtë sezon televiziv nën logon e “Vizion Plus” në drejtimin “Ferma VIP” dhe krah sj do të jetë siç është zbuluar më parë, Bes Kallaku. Teksa numërimi mbrapsht ka filluar, janë zbuluar herë pas here copëza nga ferma, aty ku do të bashkëjetojnë personazhet e famshmëm për javë me radhë. Janë komentuar shumë emra, por mbetet të presim 22 marsin, për të zbuluar një nga një ata që “braktisin” stilin e tyre të jetesës për të nisur një aventurë të re, brenda një ferme.
