Ditën e djeshme dy prej konkurrentëve më të spikatur deri më tani, të këtij edicioni të “Big Brother”, janë larguar nga loja. Arsyet nuk dihen ende. Sipas lajmit të parë që qarkulloi në media, çifti Damiano- Donjeta janë larguar vullnetarisht nga shtëpia e famshme, pasi Donjeta nuk e përballonte dot më qëndrimin mbyllur. Për pasojë bashkë me të ka dalë edhe Damiano, pasi ata kishin hyrë në lojën televizive si çift. Sipas lajmit të publikuar në portale, Damiano është shprehur se pavarësisht dëshirës së tij, duhet të respektojë vendimin e Donjetës. Më pas një lajm i dytë u duk sikur hodhi poshtë informacionin e parë. Sipas një burimi të faqes “Jeta osh qef”, ka qenë produksioni që i ka eliminuar dy të rinjtë, pasi ata nuk kanë pranuar të putheshin pas një loje të kryer ditën e djeshme. Për të gjithë këtë situatë, duket se familjarët e çiftit nuk kanë asnjë informacion se çfarë ka ndodhur në të vërtetë e se ku ndodhen momentalisht Damiano dhe Donjeta. Në një komunikim me “revistawho.com” zonja Shpresa, tezja e Damianos na tregoi se ata janë shumë të shqetësuar për këtë që ndodhi.
“E pashë atë që ndodhi dje dhe nuk më erdhi fare mirë. Unë e kam ndjekur djalin dhe them me bindje se po respektonte lojën. Jo se është djali jonë, por Damiano po bënte lojë shumë të mirë aty. Se ku ndodhen tani nuk dimë asgjë. Nuk kam komunikuar dot me Damianon e as me ndonjë person nga stafi pasi nuk kam një numër fiks për t’u lidhur me ta. Jam në ankth se nuk di as se ku ndodhet djali tani. Nuk di as çfarë duhet të bëj për të shtunën, të vij apo jo në Tiranë që ta pres në studio, pasi nuk kam asnjë informacion nëse do t’i sjellin aty”.
Ne e pyetëm zonjën Shpresa edhe lidhur me Donjetën, nëse ata si familjarë kishin dijeni për historinë e dashurisë së Damianos me të.
“Po ishim në dijeni. Unë Donjetën nuk e kam takuar asnjëherë personalisht por e dija që ishin të lidhur. Nuk jemi takuar sepse djali jeton në Suedi e s’kemi pasur rast”./ revistawho.com
https://youtu.be/xcxV6buX7FA
