“Secili në shtëpinë e tij. Kemi shkuar në shtëpitë e njëri-tjetrit, por nuk kemi ndërmend të bashkëjetojmë. Atë e provuam në “BB”, tani kemi nevojë për hapësirë nga njëri-tjetri. Sigurisht bashkë do të jemi por jo më 24/24. Pushime do t’i bëjmë bashkë dhe në shtator një projekt të dy bashkë, pse jo meqë unë (Fiori) do të jem pjesë e “Top Channel” si grimiere”.
Kjo është jeta e Fiorentinës dhe Olsit, dy finalistëve të “Big Brother 9” jashtë shtëpisë me kamera. Fiks një javë pas mbarimit të lojës televizive, ata janë rrëfyer për përditshmërinë, ndjenjat për njëri-tjetrin, famën e planet, në një intervistë për gazetën “Paloma”. Dy të rinjtë u shprehën se kjo eksperiencë iu shërbeu për të kuptuar më shumë veten dhe tjetrin.
Fiorentina tregoi se as vetë nuk e dinte se ishte kaq shumë e dashuruar.
“Zbulova që dashuroj çmendurisht (qesh). Nuk e dija që isha kështu “histerike” në karakter, pastërti etj. Domethënë deri në një farë pike e dija, por atje brenda e zbulova akoma më shumë veten. Nuk duroj shumë por atje qëllova e fortë. Durova sa më s’ka! Nuk e prisja nga vetja këtë gjë”.
Ndërsa Olsi i bëri asaj një tjetër deklaratë publike dashurie.
“Unë doja ta mbyllja dhe Fiori nuk do të flasë më (qesh). Që pas tre muajsh “BB”, eskperiencë, xhelozi, di t’i them vetëm diçka, që xhelozia jotë më bëri të kuptoj që ti ishe zgjedhja ime më e mirë dhe i qëndroj fjalës sime deri në fund”./ revistawho.com
