Flasin shkencëtarët: Fëmijët nën moshën 14-vjeçare nuk duhet të kalojnë rrugën vetëm, ja pse

Sipas statistikave, shumë njerëz kanë humbur jetën në aksidente automobilistike, qoftë si shoferë, pasagjerë apo kalimtarë. Të gjithë e dimë që rrugët janë të rrezikshme, sidomos për fëmijët. Sipas ‘Bright Side’ sjelljet e fëmijëve në rrugë ndryshojnë sipas moshës dhe këto janë disa arsye pse rrugët nuk janë të sigurta për ato:
Sipas shkencëtarëve, fëmijët dhe të rriturit ecin ndryshe në rrugë
Për të rriturit nuk është aspak problem të kalosh një rrugë makine. Mjafton të shohësh në të dyja anët, të analizosh trafikun dhe të llogarisësh kohën që të duhet për të kaluar. Sipas studimeve, fëmijët e kanë të vështirë të identifikojnë hapësirat në trafik, të cilat janë të mjaftueshme për të kaluar.
Fëmijët në moshën 6-vjeçare kanë shumë mundësi të dëmtohen në rrugë, ndërsa fëmijët sipër moshës 14-vjeçare janë më të sigurt.
Sipas një eksperimenti me fëmijë të moshës 6, 8, 10, 12 dhe 14, është arritur në përfundimin që fëmijët në moshën 14-vjeçare kanë më pak mundësi të dëmtohen në rrugë. Fëmijët janë vendosur në një ambient të stimuluar trafiku 3D dhe u është kërkuar të kalojnë rrugën. Të gjithë ‘u përplasën’, përveç fëmijëve në moshën 14-vjeçare. Në këtë moshë, ato bëhen më të zgjuar në llogaritjen e trafikut dhe arrijnë të llogarisin më mirë kohën.
Shkencëtarët këshillojnë që të jeni më të duruar dhe ta lini fëmijën vetëm në rrugë në momentin e duhur./revistawho.com