Flet Anxhela Peristeri: Të preferuarit e mi në “Kënga Magjike”? Votat…

Anxhela Peristeri është rikthyer sivjet në festivalin “Kënga Magjike”, finalja e të cilit është nesër. Ajo konkurron me një krijim të Adi Hilës që mban titullin “Gënjeshtar”. Anxhela Peristeri vjen me një baladë të fortë në festivalin ku këtë vit garojnë ndër zërat më të mirë të tregut muzikor. Por edhe asaj, njësoj si të gjithë artistëve të tjerë, do t’i duhet të votojë për fituesin e këtij edicioni. Në një intervistë për “Panorama” këngëtarja tregon se ka preferencat e veta midis kolegëve. “Ndihem shumë e nderuar që marr pjesë në këtë edicion madhështor me një material kaq profesional, dhe kaq të ndjerë nga Adrian Hila. Më kanë pëlqyer disa këngë, po se cilat janë ato, do të zbulohen gjatë votimeve”, është shprehur Peristeri. Më tej ajo ka treguar se festat e kanë gjetur singëll. “Jam vetëm, dhe do të jem në Shtetet e Bashkuara të Amerikës”, ka thënë Anxhela.