Po bëhen katër ditë nga festa e 10 vjetorit të Pavarësisë së Kosovës, e megjithatë vazhdon ende të flitet për refuzimin e Dua Lipës për të mos marrë pjesë në koncert. Nga mediat pati spekulime se Dua nuk kishte pranuar, sepse ajo kishte kërkuar shumë të madhe parash për të kënduar dhe qeveria e Kosovës nuk mund ta përballonte.
Por në fakt të gjitha këto fjalë janë të pavërteta, sipas stafit të Dua Lipës. Ata kanë thënë se këngëtarja me famë botërore nuk ka marrë ftesë zyrtare për koncertin e jo më të flitej për shuma parash. Gjithashtu babai dhe menaxheri i saj Dukagjin Lipa ka thënë për ‘Koha Ditore’: “Të gjitha diskutimet që i kemi bërë për ardhjen e mundshme të Duas në Prishtinë kanë qenë lidhur me kohën dhe orarin e saj, por edhe këto biseda kanë qenë në forma miqësore, krejtësisht jozyrtare. Prandaj nuk është i vërtetë as pretendimi e as shuma e cila është përfolur në këto portale, pasaktësi për të cilën ne ndiejmë keqardhje” /revistawho.com
