Ermonela Jaho u shpall fituese në International Opera Awards. E nominuar në kategorinë Reader`s Award, ajo triumfoi mes shumë figurave të shquara të botës. I konsideruar si Oscar-i i Operes në Botë, ky çmim prestigjoz u fitua nga artistja shqiptare gjatë mbrëmjes të së dielës në teatrin “Savoy” të Londrës.
Por nëpërmjet një statusi në Facebook, sopranoja e famshme ka falenderuar të gjithë admiruesit për mesazhet dhe mbështetjen:
“Dua të falenderoj të gjithë admiruesit e artit tim nëpër botë dhe vecanërisht në Shqipëri për mbështetjen dhe dashurinë… Kushdo që i dedikon jetën pasionit të tij është gjithmonë fitues… Ju dua të gjithëve”.
