Këngëtarja Jolanda Dhamo në një intervistë për gazetën “Paloma”, ka rrëfyer për jetën dhe punën e saj. Artistja megjithëse i takon brezit të viteve ’90, mbetet besnike e muzikës pasi çdo vit publikon materiale të reja. Së fundmi ajo ka hedhur në treg këngën “Falja”, me ritme latine e plot ngjyra. Në intervistë Jolanda ka folur sërish për kolegen e mikeshën e saj, këngëtaren aq shumë të dashur Parashqevi Simaku. Dhamo shprehet se megjithëse i ka ndarë largësia, respekti dhe miqësia midis të dyjave nuk humbet asnjëherë. “Parashqevia është një kolege e një mike shumë e mirë e imja. Ajo prej vitesh ndodhet në Amerikë, gëzon shëndet të plotë dhe ka një djalë të mrekullueshëm”, ka thënë Jolanda Dhamo.
