Ajo është përballur me shumë ulje dhe ngritje vitet e fundit, përfshi këtu ndarjen nga Justin Bieber dhe romancën e re me The Weeknd.
Momentalisht Selena po shijon një tjetër sukses në jetën e saj pasi është zgjedhur kopertina e revistës së famshme amerikane “Vogue”. Bukuroshja 24-vjeçare duket e mrekullueshme teksa pozon në këtë revistë, duke treguar fizikun e saj në super formë.
Në intervistën e dhënë për këtë revistë, Selena ka folur për presionin që kaloi gjatë turneut të saj “Revival”, për shkak të të cilit përfundoi në psikiatri.
“Turnetë më sjellin shumë vetmi”, shpjegon ajo. “Isha në depresion dhe e shqetësuar. Fillova të kisha gjendje paniku para se të ngjitesha në skenë ose pasi largohesha nga skena. Ndjeja sikur nuk isha mjaftueshëm e mirë apo e aftë”.
“Isha shumë e lodhur duke performuar për fëmijët. Papritur shihja fëmijë teksa pinin cigare dhe alkool në koncertet e mia. Njerëz të moshave 20-vjeç dhe 30-vjeç dhe teksa shikoja sytë e tyre, nuk dija ç’të thoja”.
“Dëshiroja t’ju thosha se jeta është shumë stresuese dhe se dëshira ime ishte t’i shpëtoja asaj”./Top Albania Radio
