Xhesika Polo u kthye sërish në fokusin e mediave pas komenteve për fustanin transparent në festivalin e fundvitit. Me anë të një fotoje të buzëve, të postuar në rrjetet sociale, ajo e ka prezantuar këtë si ndërhyrjen e vetme që ka bërë në pamjen e saj. Me këtë foto ajo ka tentuar që t’u japë një mesazh të gjithë artistëve që u shmangen (ose i fshehin) ndërhyrjet estetike në portret. Por nuk vonoi shumë dhe duket se këngëtarja është penduar menjëherë, pasi ka ripostuar një tjetër mesazh në Facebook, duke nënvizuar se ajo nuk ka injektuar asgjë mbi buzët e saj dhe se është origjinale.
Bashkëngjitur fotos së postuar në Facebook, ajo ka shkruar: “Një mesazh për të gjithë që mos t’i fshihen vetes së tyre nga frika e paragjykimeve! Fotoja ishte për humor, se pyetja që më bëjnë të gjithë është ku i ke bërë buzët. Buzët i kam bërë në një klinikë që quhet klinika gjenetike, “I got them from my MAMA”. Nuk kam bërë asnjë ndërhyrje kirurgjikale”, ka shkruar ajo. E pyetur nga gazeta “Panorama” se ç’mendon për ndërhyrjet, ajo shprehet: “Nuk gjykoj askënd, për aq kohë sa u dhurojnë lumturi njerëzve që i bëjnë, apo vetëbesim, jam dakord. Sa për vete jam shumë rehat dhe nuk e kam në plan. S’e di në një të ardhme, por tani që flasim nuk kam ndërmend. Kur ta bëj do hedh foto realisht, pasi nuk duhet të kemi frikë t’i pranojmë, për aq kohë sa jemi të lumtur. Fundja ato janë ndërhyrje që dallohen. Nuk jam pro teprimit, por korrigjimet për mua janë totalisht Ok”.
Pyetjes se çfarë do të donte të ndryshonte, ajo përgjigjet: Për aq kohë sa nuk kam ndryshuar asgjë, përjashto flokët, nuk dua te ndryshoj asgjë. Sa për buzët, ato i kam pasur kështu që kur isha 12 vjeçe”./ Panorama
