Olsi dhe Fiorentina janë çifti që u krijuan gjatë audicioneve të “Big Brother 9”, si dy persona shumë aktivë dhe me sens humori të paparë. Një çift që përfaqësojnë “çmendurinë dhe pasionin”, ai 27 vjeç dhe ajo 28 vjeçe, janë nga Tirana dhe kanë profesione të lira. Fiorentina është tërhequr shumë nga pamja fizike e Olsit dhe batutat e tij plot humor, i cili ka një dashuri të madhe për futbollin, edhe pse nuk arriti të vazhdonte karrierën e tij me klubin e Tiranës. Ata mendojnë se kanë bërë zgjedhjen e duhur dhe se mund të jenë çifti fitues i “Big Brother”. Me tipin e veçantë, Olsi është protagonisti kryesor mes djemve në shtëpinë e kamerave, dhe këto ditë është komentuar nga fansat për indiferencën e tij ndaj Fiorentinës, si dhe për konfliktin me Damianon. Për më shumë detaje nga jeta, karakteri dhe të fshehtat e tij rrëfen për gazetën “Panorama”, kunata e Olsi Klosit, Dorela.
“Big Brother 9”, është më shumë tip aventurieri apo thjesht për të fituar paratë?
Olsi u fut në “Big Brother” për të sfiduar veten dhe sigurisht, pse jo, edhe për të fituar, pasi është një tip energjik dhe me karakter të fortë.
Në lojë është çift me Fiorentinën. Nga shikuesit është komentuar shumë fakti që Olsi e gjeti në dush me Benardin dhe qëndroi indiferent. Mendon se nuk e tërheq më ajo si partnere, apo ky është tipi i tij?
Si çift kam përshtypjen që do të ecin dhe do të vazhdojnë të jenë bashkë.
Mund të jetë ndonjë vajzë tjetër brenda shtëpisë brenda që e tërheq më shumë?
Ndonjë simpati të vogël edhe mund të ketë, por nuk mund të themi tërheqje.
Ka pasur ndonjë lidhje të rëndësishme dashurie në jetë dhe si ka vazhduar më tej?
Lidhje ka pasur plot, por ndonjë të rëndësishme akoma jo. Më vonë s’i dihet.
Flasim pak për jetën jashtë, çfarë ambiciesh ka ai në jetë?
Olsi është një tip ambicioz që kërkon shumë nga jeta dhe përpiqet të ketë çdo gjë në perfeksion.
Cilat janë karakteristikat që e bëjnë tërheqës në sytë e vajzave?
Olsi është shumë tërheqës dhe, veç pamjes, ka edhe tipin që e dallon dhe e bën të veçantë në sy të gocave.
Ka ndonjë brengë ose ndonjë ngjarje nga jeta që ka lënë gjurmë tek ai?
Brenga më e madhe e Olsit është lënia përgjysmë e futbollit dhe njëkohësisht ëndrra më e madhe e tij.
Sa të fortë e shihni në garë çift me Fiorentinën dhe kush janë rivalët e tij?
Jo se jam kunata e tij, por realisht janë një çift vërtet i fortë dhe nuk besoj se ka tjetër më të fortë se ata.
Me cilin nga djemtë në shtëpi ai s’do ishte kurrë mik jashtë shtëpisë?
Mendoj me Danjelin dhe Lupçen, pasi nuk janë tipi i tij.
Me cilën nga vajzat në shtëpi Olsi s’do të kishte kurrë një ngacmim?
Me Katerinën.
Me cilën prej tyre mund edhe të martohej?
Përgjigjie pak e vështirë… S’di ç’të them.
Si duhet të jetë vajza që e bën të bjerë kokë e këmbë në dashuri?
Pak a shume sipas Olsit, vajza që do e bënte të dashurohej kokë e këmbë duhet të jetë e sinqertë, e zgjuar dhe e paraqitshme.
Para dy ditësh Olsi u përfshi në një konflikt brenda shtëpisë kundër Damianos. Si e komenton si gjest?
Normale që s’ishte gjest i mirë, por ai e provokoi shumë dhe e ofendoi Olsin…
Panorama
