Ai thotë se nuk i qëndron larg mediave, mirëpo intervistat që jep janë shumë të rralla. Po flasim për z. Samir Mane i cili edhe sivjet kryeson listën si njeriu më i pasur në Shqipëri. Në një rrëfim për Ermal Mamaqin në studion e Digitalb, Mane tregon për jetën e tij, punën, fillimet e planet për të ardhmen. Me shumë humor por dhe me plot sinqeritet ai jo vetëm që e pranon hapur e me krenari pasurinë e tij, por tregon edhe se sa shumë e do atë. Samir Mane thotë se tashmë nuk e ka problem që emri i tij diskutohet nëpër lajme prej pasurisë. “Në fillim e kam pasur pak problem, tani jo më se edhe nuk mund t’i fshehësh gjërat”. Dhe në këtë çast Mane nis të numërojë bizneset e famshme të tij që janë të njohura nga të gjithë qytetarët e jo vetëm ata që jetojnë në Tiranë. “Unë nuk jam nga ata që mendojnë s’ka rëndësi si janë njerëzit. Pasuria është një gjë shumë e mirë me thënë të drejtën. Të jesh i varfër nuk është turp, të jesh i pasur është shumë mirë”, vijon më tej ai. Pyetjes së Mamaqit a i duan shqiptarët të pasurit, dhe si ia bën Mane ta ketë mirë me çdo kah politk ai i përgjigjet: Unë nuk besoj se shqiptarët i duan shumë të pasurit, për hir të së vërtetës. Edhe unë po të mos isha i pasur nuk do t’i doja. Para 25 vjetësh ishim të gjithë njësoj. Ka një shprehje që thotë se në vendet ish-komuniste fitimi quhet i pamoralshëm. Sa i takon partive, unë u shërbej rreth 80 mijë klientëve në ditë dhe ata kur vijnë në dyqane nuk tregojnë teserën e partisë PD, PS apo LSI. Kjo është arsyeja pse mua më duhet ta kem mirë me të gjithë. Ka edhe një arsye tjetër që partive u duhet ta kenë mirë me mua. Unë përfaqësoj interesin e 3 mijë familjeve që marrin rrogat direkt nga bizneset e mia. Mane flet edhe për momentin e parë kur ka ndjerë se është një njeri i pasur dhe tregon se të tjerët të trajtojnë më mirë kur je i tillë. “Momenti i parë që ndjeva se jam i pasur ishte një ditë kur bleva një xhup pa parë çmimin. S’ishte ndonjë gjë, 600-700 dollarë kushtonte. Kur je i pasur të trajtojnë më mirë. E vë re shpeshherë kur shkoj në restorante. Më thonë, këtë e ke nga filani, këtë nga filani, më qeras pronari, ndërkohë që unë s’kam nevojë fare (qesh). Vihem ndonjë herë në pozitë me thënë të drejtën. Është një trajtim që më çudit se unë kam shkuar në restorant dhe padyshim që s’kam nevojë të më paguajë dikush një shishe verë. Po kënaqësia e njerëzve shkon deri aty” shprehet ai. Samir Mane thotë se intuitën drejt parasë e ka pasur që i vogël dhe zbulon sekretin e suksesit të tij: Kur isha i vogël se kam menduar fare që do vinte kështu. Mund t’ju them një histori që vetë s’e mbaj mend por ma kanë treguar. Në moshën 6-vjeçare kur kam pyetur nënën time a mund të blej diçka, ajo më ka thënë nuk kam lekë. Unë kam shkuar në bankë dhe ka pyetur nëse ka lekë vërtetë apo jo. Të bëhesh i pasur do të thotë të bësh biznes në kohën e duhur. Vitet 90 kanë qenë vitet më të arta për të bërë biznes në këtë vend dhe prandaj njerëzit më të suksesshëm këtu sot janë relativisht në një moshë. Shyqyr që demokracia erdhi në vitet 90 dhe jo në vitet 80. Në fakt kam punuar shumë. 1 milionëshin e parë e kam bërë para shumë vitesh dhe s’më kujtohet mirë se si por jam i sigurt që kam shitur mijëra radio, magnetofotna e televizora. Nuk jam shumë kursimtar. Unë fitoj si biznes i madh dhe shpenzoj si biznes i madh. Ndihmoj familjet në nëvojë, fëmijë, bursa për studentët, për bamirësi në qindra mijëra euro. Shumë shpejt do të kem gati një strukturë për ndihmë me një fond prej 500 mijë dollarësh. Më qëllon të blej rrallë, por kur ndodh lë shumë bakshish. Kusurin monedha si marr kurrë. Zakonisht nuk mbaj lekë me vetedhe kur ulem nëpër kafe më ndodh të harroj që nuk kam. Kam punuar shumë po rnuk kam bërë ndodnjë sakrificë të madhe. Kazmës nuk i kam rënë. Sakrificë mund të quhet që kam munguar në familje. Në vitet e para punoja 12 orë në ditë. Tani punoj 6 orë”, ka thënë Samir Mane në studion e Ermal Mamaqit.
Dev by Techzero1.com