E dashura e shtetasit anglez i cili mbeti i vrarë bashkë me 89 persona të tjerë në sallën e koncerteve Bataclan në Paris nga sulmet terroriste, Nick Alexander 35 vjeçar, ka vendosur të flasë për media dhe të tregojë ngjarjen se si Nick vdiq në duart e saj pasi sulmuesit kishin shtënë në të shumë herë
Tani, 6 muaj më vonë, ajo ka vendosur të flasë për media dhe të tregojë se si ndodhi sulmi i terroristëve në sallën e koncerteve Bataclan në Paris në natën e 13 nëntorit.
Helen Wilson, gjithashtu nga Britania e Madhe, thotë se në atë kohë jetonin bashkë me Alexander në Paris, dhe kështu vendosën të shkojnë dhe ta dëgjojnë grupin e muzikës metal Eagles Of Death Metal në sallën Bataclan në qendër të Parisit.
Wilson rrëfen se ata mbërrin në sallë pak para se të shpërthente sulmi terrorist, shkruan DailyMail.
Mirëpo, menjëherë pas kësaj, ajo tregon momentin e vdekjes së të dashurit të saj, ku thotë se kur ata dëgjuan të shtënat, u bënë kinse kanë vdekur që t’i mashtrojnë terroristët e të mos shtënë në ta.
“Nick dhe unë në momentin që dëgjuam të shtënat, ramë në tokë. Nick më tha “bëhu si e vdekur sepse nuk do të mund ta dinë a jemi të gjallë apo jo”, rrëfen Helen.
Mirëpo, kjo metodë nuk i funksionoi Nickut, edhe pse ata u shtrinë se u shtirën të vdekur, terroristët filluan të gjuanin në drejtim të tyre, kështu duke e lënë Nickun të vrarë, me shumë plumba në trup, ndërsa Helen u plagos në këmbë.
“Ai më shpëtoi mua, ai ishte mbi mua andaj edhe plumbat nuk arritën të më kapin, por e kapën atë”, tregon Wilson, shkruan DailyMail, transmeton Gazeta Express.
Në sulmet e nëntorit në Paris, mbetën të vrarë më shumë se 130 persona. Sulmi i dytë menjëherë pas sulmit në sallën Bataclan ndodhi në stadionin e futbollit në Paris, ku edhe aty mbetën të vdekur qindra persona./GazetaExpress/
