Robert Aliaj njihet si artisti që gjithmonë preferon të dalë jashtë rrymës së të tjerëve, por kur vjen puna tek familja e tij gjithçka ndryshon. Shpeshherë i ftuar në emisione të ndryshme ai është emocionuar apo edhe është përlotur kur ka folur për bashkëshorten dhe dy fëmijët e tij.
Pak kohë më parë ai ka qenë i ftuar në emisionin ‘Rudina” dhe ka treguar historinë e tij të dashurisë me bashkëshorten Mimoza. Por ditën e sotme ishte radha e Mimozës të fliste për Robertin. Për herë të parë ajo ka treguar publikisht çdo gjë, që nga lidhja me Robertin e deri në ditët e sotme në martesën e tyre. “Roberti thotë se është dashuruar më mua që 7 vjeç dhe se shihte tek unë modelin e femrës. Këto gjëra m’i ka shprehur edhe mua, por ndoshta unë isha shumë naive për të kuptuar. Ai është vërtitur pothuajse 10 vjet rresht prapa meje, por nuk guxoi t’i shprehte ndjenjat e tij.”, – ka thënë Mimoza.
Më tej ajo ka treguar se në fakt lidhja me Robertin nuk ka qenë aq e lehtë, sepse familja e saj nuk e kishte pranuar lidhjen e dy të rinjve. “Kur mamaja ime e mori vesh, më tha se me Robertin do kisha sfida për të kaluar, megjithatë më duket djalë me vizion prandaj të uroj më të mirat”, – ka rrëfyer Mimoza. /revistawho.com
