Ylli i “50 hijet e Greyt” Dakota Johnson thotë se burrat janë të frikësuar prej saj dhe askush nuk i kërkon më për të dalë. Kjo pas rolit të saj në filmin ku kishte një lidhje seksuale sadomazokiste me manjatin Grey, dramën erotike të suksesshme të vitit 2015. 26-vjeçarja është beqare dhe vitin e fundit ajo ka vënë re se meshkujt nuk i afrohen më. Sa i takon skenave të forta në film, Johnson thotë për “The Mirror”: Disa njerëz mendojnë se është diçka që mua më tërheq edhe në jetën private por nuk është aspak kështu. Unë jam aktore, dhe bëj rolin”. Më tej Dakota shprehet se kjo me siguri u ndodh edhe shumë aktorëve të tjerë. “Mendoj që kjo ndodh me plot aktorë, për të cilët njerëzit mendojnë se në jetën reale ata janë si personazhet që luajnë. Jeta ime ka ndryshuar në mënyrë dramatike. Ka raste që ndihem shumë e vetmuar, por thjesht shoh filma e lexoj libra e jam e lumtur që kam kohë t’i bëj këto. Fatmirësisht kam një profesion që nuk më le shumë kohë të mendoj për meshkujt”, ka thënë 26-vjeçarja.
