Kualifikimi i Kombëtares Shqiptare të futbollit në “Euro 2016” u festua me një natë harbimi të vërtetë, ku futbollistët tanë pas fitores me Armeninë u pritën si heronj në aereoportin e Rinasit. Dhe për të festuar bashkë me ta me alkol, muzikë dhe foto, kishin ardhur për t’i argëtuar me prezencën e tyre disa nga vajzat e njohura të ekranit e rrjeteve sociale. Por më shumë se çdo vajzë tjetër bëri përshtypje kërcimi shumë afër i Kapitenit të Kombëtares Lorik Cana me Esterina Tafilin, modelen nga Elbasani e cila ka marrë pjesë në “Big Brother 7”. Pak kohë më parë qarkulloi lajmi se kapiteni i kishte dhuruar një puthje modeles. Në një reagim për “Bluetooth” ajo rrëfen edhe një herë se çfarë ndodhi atë natë, ku me sa duket jo vetëm Cana por të gjithë djemtë e kishin tepruar me alkolin. “Ishte kënga e Shqiponjës dhe Loriku m’u afrua e kërcyem bashkë. Në një moment m’u ul në gjunjë dhe më vuri dorën tek beli. Pas kësaj më dha një puthje në faqe dhe më tha je shumë e mirë. Por gjithçka ishte kaq, as nuk më ngacmoi dhe as nuk mendova se po më ngacmonte. Ishte thjesht një moment i tillë. Ata kishin pirë të gjithë, madje edhe Loriku. Me aq sa mbaj mend unë atë natë, atje ka qenë edhe bashkëshortja e tij”, përfundon modelja.
