Flet Stresi: Rikthehem në Kënga Magjike, askush s’ka sjellë ndonjë material gjenial

Një nga emrat e njohur të këtij edicioni të festivalit “Kënga Magjike” është edhe reperi Arkimed Lushaj. “Mos ma luni gocën” titullohet kënga, e cila rikthen reperin në këtë festival pas pesë viteve.
Stresi për Telegrafin foli për arsyet e pjesëmarrjes dhe pritshmëritë nga ky festival. “Kam parë shumë reperë dhe asnjë nuk ka sjellë ndonjë material gjenial për këtë vit dhe mendova të tregoj se çfarë duhet për një reper të kompletuar, një këngë të bukur”, tha Stres, i cili pret shumë nga kjo pjesëmarrje. “Pres që kolegët pjesëmarrës ta vlerësojnë këngën time dhe mendoj se të gjithë do ta vlerësojnë”. Ndërsa sa i përket diskutimeve të fundit që Shqipëria në Eurovizion të prezantohet me këngë që dalin nga “Kënga Magjike”, Stresi tha se ai festival nuk është synimi i tij. “Unë garantoj suksesin në Shqipëri dhe nuk më intereson asgjë rreth Eurovizionit”. Kënga pjesëmarrëse e tij do të prezantohet këtë të diel në emisionin “E diela shqiptare”, ndërsa artisti po punon edhe rreth bashkëpunimit me Adelina Berishën, i cili do të publikohet së shpejti.