Arbër Hajdari ishte i ftuar mbrëmjen e sotme në emisionin “Goca dhe Gra”, ku foli ndër të tjera edhe për përvojën e tij si opinionist në “Big Brother VIP Albania”.
Gjatë bisedës, ai u ndal te mënyra se si ka qenë bashkëpunimi me opinionistet ndër vite dhe iu drejtua një pyetjeje të drejtpërdrejtë: kë do të zgjidhte nga koleget me të cilat ka ndarë panelin në edicione të ndryshme të spektaklit.
Pa u menduar gjatë, Hajdari përmendi Monika Kryemadhin, duke shpjeguar edhe arsyet e zgjedhjes së tij. Sipas tij, ajo dallohet për natyrën e hapur dhe për faktin që shpreh gjithmonë mendimin pa hezitim.
“Do të zgjidhja Monikën sepse nuk ka komplekse dhe flet gjithmonë troç. Nuk kemi pasur debate që zgjasin,” u shpreh ai, duke nënkuptuar se bashkëpunimi mes tyre ka qenë i qetë dhe pa tensione të mëdha.
Kjo deklaratë vjen në një kohë kur “Big Brother VIP Albania” mbetet një nga formatet më të ndjekura në vend, ndërsa roli i opinionistëve vazhdon të jetë shpesh në qendër të diskutimeve në rrjetet sociale.
Kujtojmë se në Prime-n e së martës do të shpallet finalistja e parë e këtij edicioni, mes Selin dhe Brikenës.
