Në një mbrëmje mes emocionesh dhe muzike të mirë, “Kënga Magjike” ka mbyllur denjësisht edicionin e 20-të të saj. Flori Mumajesi u shpall fituesi i spektaklit për këtë vit, i zgjedhur nga votat e kolegëve të tij. Kur u ngjit në skenë për të marrë çmimin, i emocionuar Flori u shpreh: “Në këto momente plas shpirti. Çfarë do thuash një gjë të mençur…mbështetja dhe përfshirja juaj në këngë ma ka bërë jetën më të bukur, si në ëndërr. Nëse nesër nuk merrem me muzikë, nuk do kem peng asgjë me këtë energji që kam marrë gjithë këto ditë. Këtë çmim ua dedikoj juve”.
https://www.instagram.com/p/BrJO0xzl7W7/
Kantautori i njohur konkurroi me këngën ‘Plas’, një baladë e ndjerë që rrëmbeu edhe zemrat e publikut në një kohë të shkurtër. Në të njëjtën kohë Flori rrëmbeu edhe çmimin ‘Balada më e mirë’. Në vend të dytë u renditën dy këngëtaret e mirënjohura Aurela Gaçe dhe Eli Fara, ndërsa në vendin e tretë Fifi dhe Mc Kresha me këngën ‘Psikopatja jote’.
Gjatë mbrëmjes u ndanë edhe 20 çmime të tjera, mjaft të rëndësishme për karrierën e një artisti. /revistawho.com
