Flori Mumajesi: Ja pse u riktheva në “Kënga Magjike”

Këtë të dielë Flori Mumajesin do ta shohim në skenën e “E diela Shqiptare”, ku do të prezantojë këngën e tij të re, konkurruese në festivalin “Kënga Magjike”. Lajmin e ka konfirmuar vetë Flori, i cili zbuloi gjithashtu që edhe Klajdi Haruni do të konkurrojë në këtë festival. Megjithatë, në një intervistë të shkurtër për “Bluetooth”, artisti rrëfeu edhe disa detaje të tjera, përfshirë arsyen që e ka rikthyer në skenën e këtij festivali. “U riktheva për atë kontakt ndryshe që kam me dëgjuesit e muzikës, gjithashtu edhe për dashamirësit e muzikës time të cilët shpeshherë kanë shprehur dëshirën se duan të më shohim si dikur në festivalin Kënga Magjike”, ka thënë ai. Kënga e Florit është titulluar “Me fjalë të vogla” dhe është prodhim i Threedots. Në lidhje me të, artisti është shprehur se, “Thjesht më ka buruar një këngë, e cila është shumë unë. Stili është sekondar për mua”.