Prej 6 vitesh ne nuk kemi parë dhe dëgjuar në “Kënga Magjike” asnjë krijim të kantautorit Flori Mumajesi. Arsyet e vërteta të shkëputjes së tij nga ky kompeticion mbetën gjithmonë mister. Por tani nuk kanë më rëndësi. Autori i qindra hiteve ka vendosur të rikthehet në këtë festival. Flori kunkuron sivjet me këngën me titull “Me fjalë të vogla”. Nuk dihet ende nëse bëhet fjalë për një baladë apo këngë ritmike. Mbetet ta zbulojmë të dielën gjatë hapësirës që producenti Ardit Gjebrea i ka lënë festivalit në programin e tij “E diela shqiptare”, që prej vitesh transmetohet në televizionin “Klan”.
Dev by Techzero1.com