Çdo të diel në rubrikën “Qysh e don shoqnia” në “E diell”, “Top Channel”, përjetojmë emocione të veçanta me artistët që kanë lënë dhe vazhdojnë të gjurmë në muzikën shqiptare dhe jo vetëm. Këtë herë ishte radha e të madhes Aurela Gaçe. Nostalgji, rrëfime, këngë dhe surpriza. Për këtë të fundit u kujdes Flori Mumajesi, i cili me fjalë zemre e përloti Aurelën. Një kërkesë për të kënduar këngën “Të dua” të cilën Flori e ka sjellë edhe në një “cover”.
“Gaçe, të kujtohet kur kemi kënduar bashkë. Faktikisht ma ke ndezur ti se unë nuk isha aq në formë. Dhe tani këtë këngë “Të dua”, e kam fiksim. Jo vetëm unë, shumë njerëz. Por meqë unë e kam promovuar, dal kështu si partizan. Madje dhe në një altar, duke mbajtur fjalim e kam pasur pjesë të fjalimit, dhe i kam emocionuar nusen e dhëndrin, dhe të gjithë të ftuarit. Ma plotëso mua dëshirën, por dhe të gjithëve atyre që duan këtë këngë. Sot këndoje në versionin që kam bërë unë”, ka thënë Flori në mesazhin e tij, duke e emocionuar pafund Aurelën, e cila natyrisht ia plotësoi dëshirën.
