Pas një ndryshimi drastik në fizikun e tij, Florian Agalliu ka treguar se e ka të pamundur të qëndrojë qoftë edhe një ditë të vetme pa u stërvitur. Në një intervistë ekskluzive të pak kohëve më parë për ‘revistawho.com’, moderatori ka rrëfyer se ka humbur rreth 20 kilogramë falë ushtrimeve fizike të përditshme për 2 vite me radhë. Edhe në ‘Instagram’ ai ndan shpesh me ndjekësit momente të ndryshme nga rutina e tij stërvitore dhe mund të themi se ka arritur të krijojë një trup shumë të palestruar.
https://www.instagram.com/p/BqzXZQhgX0B/
Duke qenë se është kaq shumë i fiksuar pas kujdesit të fizikut të tij, Flori nuk mundet të qëndrojë asnjë moment pa u stërvitur dhe mundohet që në çdo vend të krijojë kushte të përshtatshme për t’u ushtruar sadopak. Ditën e sotme ai ka publikuar një video nga ambientet e punës në ‘Top Channel’, në të cilën shihet duke ngritur me dy duar një djalë. “Për të ulur stresin në punë duhet të kishte patjetër dhe një hapësirë për t’u ushtruar. Nëse se ke atëherë krijoje”, – ka shkruar moderatori me shaka bashkangjitur videos.
https://www.instagram.com/p/BsX9iMAgnNv/
Flori ju ka dhënë një ide shumë të mirë si të kujdeseni për veten dhe të largoni stresin edhe në punë, por kini kujdes mos bëni prova me pesha kaq të rënda! /revistawho.com
