Moderatori i njohur i emisionit ‘Në shtëpinë tonë’, Florian Agalliu, pak kohë më parë zbuloi se shumë shpejt do të vinte me një program të ri televiziv. Bëhej fjalë për një emision me kamera të fshehta, që do të ketë në fokus ditën e parë të punës të një personi. Por siç duket ky nuk është i vetmi projekt i tij. Në një intervistë të dhënë së fundmi për gazetën ‘Panorama Plus’, moderatori ka zbuluar se ëndrra e tij më e madhe është realizimi i një “show sportiv”. Ai ka treguar se e ka shumë të qartë se çfarë do të bëjë dhe se nuk do të jetë e largët dita kur ky projekt televiziv do të realizohet. Floriani ka folur edhe për marrëdhënien në punë me bashkëshorten e tij Renisa, e cila është autori e programit që moderatori drejton aktualisht.
Agalliu ka thënë se puna me partneren është shumë efektive, sepse ata nuk e dëshirojnë dështimin e njëri-tjetrit, prandaj të dy ndihmojnë që të kenë sukses në punë. /revistawho.com
