Aktori i njohur i humorit Florian Binaj është bërë pjesë e nismës ‘Taken by Albania’, e cila u prezantua sot zyrtarisht, ndërkohë, nëpërmjet rrjeteve sociale, një pjesë e publikut ishin njohur prej ditësh me këtë risi.
Me anë të një postimi në ‘Instagram’, Flori ka falenderuar të gjithë ata që e shpërndanë videon e përgatitur dhe që e mbështetën këtë nismë. Siç edhe është shpjeguar më tej, kjo nismë ka si qëllim promovimin e vlerave kulturore, traditave, turizmit në Shqipërinë tonë. Gjithashtu, me anë të një peticioni dhe shpërndarjes së videos synohet që të sillet në Shqipëri aktori Liam Neeson.
Për ata që nuk e dinë, aktori amerikan është protagonist në ‘Taken’, prodhimi i njohur amerikan ku bëjnë pjesë edhe aktorë shqiptarë dhe në qendër të tij janë trafikantët me origjinë shqiptare, të cilët rrëmbejnë femra.
Në përpjekje për të ndryshuar imazhin e Shqipërisë në sy të Liam dhe të të gjithë botës, aktorë, këngëtarë dhe personazhe të tjerë të medias, i janë bashkuar nismës që po njeh sukses të madh.
I ftuar më herët, gjatë ditës së sotme në ‘Ftesë në pesë’, Florian Binaj vuri theksin tek dashuria për Shqipërinë dhe ju bëri thirrje të rinjve ta duan vendin e tyre./revistawho.com
