Floriana Garo i bashkohet “Fundjavës Ndryshe”, prezantuesja: U trondita thellë (FOTOT)

Besoj se tanimë të gjithë jemi njohur me nismën e “Fundjava Ndryshe”, një iniciativë që i vjen në ndihmë familjeve në nevojë. Të shumtë janë personazhet publikë që i janë bashkuar kësaj nisme duke dhënë kontributin e tyre. E fundit ishte bukuroshja Floriana Garo. Prezantuesja e “Jo vetëm modë” ka vizituar familjen e Shaqe Balliut e cila siç shihet edhe në foto jeton në kushtet e varfërisë ekstreme. Pas vizitës në të, bashkë me themeluesit e nismës Arbër Hajdari dhe Ilir Hoxholli, Floriana ka bërë thirrje për ndihmë në llogarinë e saj të Facebook. “Ju bashkova edhe unë “Fundjavës Ndryshe” dhe u trondita thellësisht nga varfëria ekstreme e kësaj familjeje. Ju lutem, ndihmojini edhe ju me sa keni mundësi! Shtëpia e Shaqe Balliut ka nevojë emergjente për punime që ajo dhe 3 femijët e saj të vegjel të jetojne në kushte normale!”, ka shkruar Floriana.