Floriana Garo po jeton ditët më të bukura të jetës, duke iu përkushtuar në maksimum të fejuarit të saj. Ajo braktisi emisionin e saj ‘Jo vetëm modë’ për të qenë sa më pranë Enisit, i cili jeton në Zvicër dhe kjo është bërë shkak, pasi Floriana nuk e do një lidhje në distancë.
“Unë nuk di ç’është thënë për të fejuarin tim, por vërtetë mendoni se do më detyronte dikush të bëja gjëra. Unë kam bërë zgjedhjen time, normalisht për të qenë më pranë tij, për të pasur një marrëdhënie sa më normale. Kemi pasur një lidhje në distancë dikur. Por gjithsesi, zgjedhja ishte e imja, askush s’detyron askënd për asgjë”, – është shprehur Floriana.
Por përveç shpërnguljes, e pyetur nga Eni Shehu për dasmën, Floriana është shprehur kështu “Mora një propozim, domethënë këtë konsiderova fejesë. Në mënyrë disi të papritur në fakt, nuk dua ta tregoj, por ishim në një vend të veçantë dhe ishte diçka shumë e bukur. Aty unë nisa të mendoj që unë tashmë jam e fejuar, sapo u fejova dhe duhet të mendoj për një dasmë, pasi kur fejohesh mendon dhe për dasmën. Akoma nuk kam nisur të mendoj seriozisht. Mbase vitin tjetër, të shohim. Do ta planikoj, nuk dua diçka shumë të madhe, të them të drejtën. Thellë thellë, gjithmonë kam qenë pak romantike. Është një periudhë e lumtur e jetës time dhe natyrshëm këto evenimente janë pjesë e kësaj”.
Ajo u shpreh gjithashtu se nga emisioni hoqi dorë me dhimbje, por ishte një etapë që duhej mbyllur tashmë.
