Florjan dhe Sadina Binaj, kanë qenë të ftuarit e radhës në programin e pasdites ‘Rudina’. Dy bashkëshortët kanë rrëfyer detaje nga historia e tyre e dashurisë, që siç kanë thënë edhe më herët, ka nisur që në kohën kur studionin në lice, para 15 vitesh. Tashmë ata janë prindër të dy fëmijëve dhe janë shumë të lumtur për familjen që kanë ndërtuar dhe për dashurinë që ka mbetur e fortë si në ditën e parë.
Ndër të tjera, Florjani dhe Sadina kanë folur për pasionin e madh që kanë për fotografinë. Mbase shumë nuk e dinë, por dy bashkëshortët kanë hapur edhe një studio fotografike ku realizojnë foto profesionale për të gjithë të interesuarit me në qendër kostumet popullore, por jo vetëm. “Ne e duam shumë fotografinë dhe fakti që jemi piktorë në profesion na ka ndihmuar që të jemi shumë të mprehtë për të kuptuar të bukurën. Ne duam t’ju tregojmë të gjithëve që momentet e bukura dhe të mërzitshme duhen ruajtur si kujtime. Ne gjithmonë kemi ruajtur momentet speciale tonat me shkrepje të ndryshme, ndërsa tani ndihmojmë të tjerët të bëjnë të njëjtën gjë. Për studion nuk kemi folur shpesh, pasi është përtej përfitimit monetar, është diçka shumë e ndjerë nga ana jonë dhe e kemi me shumë pasion”,-kanë shpjeguar dy të dashuruarit.
Ndër të tjera ata nuk i shpëtuan as pyetjes lidhur me planet për fëmijë tjetër. Në këtë pikë, Sadina u shpreh se planet janë të largëta, ndërsa Flori, me buzëqeshjen karakteristike, shprehu dëshirën për binjakë sa më shpejt të jetë e mundur./revistawho.com
