Ditën e sotme aktori i shumë roleve në “Portokalli”, Florjan Binaj feston ditëlindjen. Ai mbush 33 vjeç dhe një pjesë të madhe të viteve e ka kaluar duke dhuruar humor për publikun shqiptar. Këtë ditëlindje Florjani e ka festuar me stafin e “Top Albania Radio” në një festë ku kryefjala është argëtimi.
Në fotot e publikuara nga të pranishmit duket se ata kanë pritur së bashku orën 00:00 në një nga lokalet e kryeqytetit, ku nuk kanë munguar birrat dhe simboli i festës, torta.
Florjan Binaj prej vitit 2007 është pjesë e “Top Albania Radio” në emisionin radiofonik “Rikoshet”.
