Florian Binaj është një nga aktorët e humorit më të pëlqyer në vendin tonë. Me batutat e tij ai mbërthen para ekranit mijra spektatorë. Nuk ndodh shpesh që aktorin ta shohim të ftuar në emisione të tjera dhe të flasi për jetën e tij private. Megjithatë, aktori i ftuar në emisionin “Chic” nga moderatorja Fjodora Fjora, na ka befasuar duke qenë se ne jemi mësuar ta shohim vetëm si humorist. Një nga pyetjet më pikante e bëri Florianin të tregojë arsyen se pse nuk e bën publike jetën e tij private. “Ti nuk shet shumë në portale, mund të kishe bërë miliona klikime por ti ruan me fanatizëm jetën tënde familjare”.
“Nuk besoj se jeta personale duhet bërë publike sepse nuk do të quhej e tillë nëse bëhej publike. Dua ta mbroj familjen time nga kontakti i tepërt me jetën publike”-u shpreh ai.
Në këtë intervistë mjaft të këndshme aktori na tregon se nuk është vetëm ai djali karagjoz që shfaq në rolet e tij, por pas tij qëndron një djalë serioz dhe i përkushtuar ndaj familjes.
