Një nga clubet më në zë të kryeqytetit, në pikun e sezonit të dimrit, po përjeton probleme të mëdha. Folie Terrace, megjithëse çdo të premte e të shtunë mbushet nga një dyndje të rinjsh që pinë alkol e kërcejnë, duket se nuk i mjafton për të qëndruar hapur. Mësohet se ky biznes i detyrohet “Tirana Bank” plot 1.3 milionë euro. Bashkia e Tiranës ka njoftuar se ka ardhur kërkesa për shpallje nga Shoqëria Përmbarimore “Strati Bailiff’s Service” sh.p.k., në lidhje me shpalljen e ankandit për pasurinë e paluajtshme të debitorit, z. Alban Robert Xhillari dhe Shoqëria “Folie” sh.p.k. Ndërtesa ndodhet në një truall me sipërfaqe totale 330 m2, nga kjo truall me sip. 330 m2 dhe ndërtesë me sip. 330 m2 (mbi truall). Adresa: Rruga “Myslym Shyri”, Tiranë. Çmimi fillestar: 1,320,000 (një milion e treqind e njëzetë mijë) euro, shumë e cila është përllogaritur për të shlyer një kredi që administratorët kanë ndaj Tirana Bank. Folie Terrace, një nga qendrat më të mëdha të argëtimit në Tiranë, si Club Nate, i frekuentuar më së shumti nga të rinjtë, ishte shndërruar në një trend.
