Fotini e Danjel konfirmojnë sërish: Në nëntor kemi dasmën e madhe, kurse bebi ynë…

E kanë kthyer në një zakon të rregullt komunikimin me fansat, fituesit e edicionit të fundit të “Big Brother”, Fotini dhe Danjel. Pak më parë ata u shfaqën bashkë “live” në Instagram, duke ndarë të rejat nga jeta e tyre. Dyshja ndodheshin në makinë dhe po shkonin tek shtëpia e të ëmës së Fotinisë. Sigurisht që pyetjet e shumta të fansave, “detyruan” edhe një herë çiftin që të tregojnë planet e jetës së tyre. Fotini konfirmoi sërish se në muajin nëntor do të bëhet dasma e tyre e madhe. Ndërsa kur lexoi pyetjen se kur do e bëjnë bebin ajo u kthye nga Danjeli i cili i jepte makinës: “Kur do e bëjmë bebin Danjel”-, pyeti duke qeshur. “Bebi ynë është pa plan”, tha më tej biondja simpatike nga Gjirokastra. Pra sezoni i dasmave VIP në Shqipëri nuk mbyllet me ceremonisë e Marinës dhe Getoarit, pasi të gjithë sigurisht do të presin e do të ndjekin me kërshëri edhe ata të dy fituesve të “Big Brother”./ revistawho.com