Pasditen e sotme në emisionin “Ftesë në 5”, ka qenë e ftuar një nga personazhet më të komentuar të edicionit të “Big Brother”, Fotini Derxho.
Ajo foli për jetën pas reality show-t, dhe për ndarjen nga fituesi i BBA, Danieli.
Për shumë kohë ata kanë qenë në vëmendje të medias dhe fansave të cilët kishin pyetje rreth marrëdhënies së tyre.
Fotinia ka zbuluar se momentalisht nuk është në një lidhje dhe pranon thashethemet për ndarjen nga bashkëshorti. “Po, jemi të ndarë prej disa muajsh, thjesht nuk funksiononte më dhe të dy e kuptuam”, thotë ajo.
Gjatë intervistës ish-banorja u pyet nëse kishte diçka që ishte penduar gjatë jetesës brenda shtëpisë të cilës ju përgjigj kështu: “Për lojën që kam bërë dhe si kam kaluar nuk pendohem për asgjë, e vetmja gjë që pendohem është martesa. Ishte përrallore, shumë e bukur, por nuk do e bëja përsëri”, shprehet Fotinia.
Ajo gjithashtu tregon se prindërit e të dyve kanë qenë shumë suportivë, pavarsisht se ata e dinin si do shkonte martesa e tyre.
Kujtojmë se Fotini dhe Daniel qëndruan të martuar për rreth dy vjet para se të fillonin dyshimet për një ndarje të mundshme.
