Po bën më shumë se dy javë që kur doli lajmi se Adelina Tahiri është shtatzënë. Dyshimet filluan nga disa fotografi ku ajo së bashku me bashkëshortin e saj u panë duke dalë nga një spital gjinekologjik. Më pas vëllai i saj disa ditë më parë postoi një fotografi ku dukeshin disa rroba bebi ngjyrë blu dhe këtu dyshimet u përforcuan, madje thuhej se Adelina priste një djalë. Megjithatë erdhi koha që gjithë dyshimeve t’u japim fund, sepse më në fund vetë këngëtarja i ka konfirmuar të gjitha zërat. Përpara pak minutash Adelina ka postuar dy fotografi, ku dukej me disa tullumbace ngjyrë blu në dorë dhe kishte shkruar: “Është djalë”. Në pjesën e komenteve vërshuan mesazhet e urimit dhe redaksia e “Who” i uron këngëtares shtatzëni të mbarë! /revistawho.com
