Pak muaj pasi Egzona Syla, ish-gruaja e reperit të “Babastars” Agon Amiga vendosi të divorcohej nga ai, ky i fundit nuk shihet më në prani të ndonjë femre pas koncerteve. “Panorama” shkruan se ai është parë në plazhet e Dhërmiut tek merrte rreze i vetëm poshtë çadrës. Në një rrëfim personal për mediat ai ka deklaruar se nuk dashuron dot më që pas prishjes së martesës, duke e konsideruar këtë ngjarje të rëndë në jetën e tij. Martesa e Agon Amigës mori fund pak muaj më parë. Askush nga miqtë e tyre nuk e kishte imagjinuar se dasma e bujshme e organizuar në vitin 2013 mes çiftit Agon Amiga dhe Egzona Syla në Prishtinë, do të përfundonte vetëm brenda 2 viteve.
