Gjatë kohës që ata xhiruan telenovelën ‘Sortilegio’ u përfolën për në histori dashurie mes tyre. Bëhet fjalë për William Levy dhe Jacky Bracamontes, të cilët i mohuan kategorikisht këto zëra. Por për të vërtetën hidhet dritë disa vite më vonë. Aktorja ka publikuar një libër autobiografik ku më në fund tregon të vërtetën e kësaj lidhje.
“Ai më kishte thënë se ishte i ndarë nga partnerja e tij dhe kjo ishte arsyeja pse ne dilnim shpesh me njëri-tjetrin. E dija që kjo situatë ishte e komplikuar pasi në mes ishte një fëmijë, djali i Levyt dhe unë nuk doja të formoja një familje me dikë që kishte fëmijë tjetër. E vërteta është se mes nesh kishte një tërheqje speciale, kalonim shumë mirë së bashku dhe jemi argëtuar pafund”-ka thënë aktorja. Gjithçka mbaroi kur aktorja ka marrë një mesazh nga William Levy.
“Gruaja ime është shtatzënë dhe pret një fëmijë të dytë nga unë”-shkruhej në mesazhin e dërguar nga aktori kuban. Për Jackyn ky lajm ishte shokues, pasi ajo nuk e dinte që Levy dhe bashkëshortja e tij vazhdonin të kishin marrëdhënie. Me siguri ky shkrim mund t’i ketë habitur të gjithë. Jacky tashmë është e martuar dhe ka 3 vajza, ndërsa Levy është kthyer me parneren e tij dhe ka dy fëmijë.
