Aktorja e humorit Rudina Dembaçaj, e ftuar në “Pasdite në Top Channel” ka treguar “luftën” me veten dhe heqjen dorë nga veset.
Sot Rudina është një femër elegante, mirëpo para disa vitesh aktorja peshonte 89 kile.
E pyetur nga moderatorja Jonida Shehu, Rudina rrëfeu gjithë procesin e transformimit, kryesisht përgjatë viteve 2008-2010, heqjen dorë nga alkoli, dietat dhe ushtrimet fizike, shkruan newsbomb.al.
“Kur isha student në Shkodër isha 89 kile. Shoqet më thonin që duhet të dobësohen, motra po ashtu. Nuk u konsultova me dietologë, u kujdesa për veten time. Fillova të lexoja për karbohidratet dhe proteinat, bëhesh vet doktor i vetes. Mua më pëlqente dhe alkooli atëherë. Ulesha me xhaxhain dhe pija raki’,tha Rudina.
Më tej, e pyetur nga moderatorja në lidhje me ndjesitë kur dilte para pasqyre, ajo u shpreh, “ Për dy muaj isha shumë e transformuar sepse përgjysmova kaloritë. Kur shihja reagimet e njerëzve motivohesha. Ishte pastaj ajo “self koefidenca” që të ndihmon më shumë.
Për dy muaj nuk i kisha thënë askujt se po mbaj dietë. Këtë gjë i besova vetes dhe rashë 35 kiile për tre vite. Njerëzit surprizoheshin. Kishte njerëz që ju vinte gjynah për mua.”-u shpreh më the aktorja e humorit e cila vetëm pak ditë më parë është bërë nënë për herë të parë, raporton newsbomb.al.
Më tej Rudina tregoi për regjimin dhe për trajnimin e saj deri në arritjen e linjave që ka tani./Newsbomb.al/
