Një nga moderatoret më të pëlqyera nga shqiptarët, Alketa Vejsiu, do të rikthehet sërish në ‘Top Channel’, ekranin ku u prezantua për herë të parë, kësaj radhe në panelin e të ftuarve gjatë natës së çmimeve ‘Oscar’, nën prezantimin e Ledion Liços. Vejsiu, dikur ka qenë një nga prezantueset më të dashura të “Top Albania Radio” e në këto kushte, me siguri ky rikthim duhet të jetë një emocion i veçantë.
“Është një nga të paktat gjëra që më bën të sakrifikoj gjumin…Po nisa të shoh një film që vlen, mund të shoh dy, tre, edhe katër rresht deri sa zbardh dita. Kështu që një natë pa gjumë për #oscarsontop në Top Channel, ka shumë kuptim! Do jem aty për të komentuar në një panel interesant, nën drejtimin e @ledionl që më bëri të shoh pjesën më të madhe të filmave më të mirë të kandiduar…”-, shkruan Alketa në profilin e saj të Instagram-it.
https://www.instagram.com/p/BQ5DkzNAYn-/?taken-by=alketavejsiu
