Bukuroshja shqiptare, Almeda Abazi disa ditë më parë kurorëzoi dashurinë e saj me aktorin turk në kontinentin amerikan. Cermonia u mbajt buzë detit në Los Angeles, ku merrnin pjesë personat më të afërt familjarë. Almeda me anë të një fotoje të cilën e ka postuar në rrjetin social ‘Instagram” falenderon të gjithë miqtë e saj që e uruan, por ajo thotë diçka edhe për ata që nuk e uruan, konkretisht miqtë turq. Më poshtë keni shkrimin e plotë të ish-missit.
“Ishte dita më e lumtur e jetës time,në këtë ditë u realizuan ëndrrat e mia, mora vendimin më të rëndësishëm të jetës. Të gjithë ata që më telefonuan, pyetën, uruan, të gjithë miqtë e mi të zemrës dhe shoqerinë i falenderoj sërish.
Mbi të gjitha nuk dua të lë pa thënë diçka. Më tëlëfonuan të gjithë të afërmit dhe të largët në Shqipëri, më uruan nga vende të ndryshme të, por në Turqi më surprizoi fakti që shumica e njerëzve me të cilët kam pasur marrëdhënie të mira nuk më telefonuan. Kjo do të thotë që për këta njerëz afrimiteti,miqësia dhe mirëkuptimi nuk përputhet me karakterin tim.
I uroj më të mirat në jetë të gjithëve.” /revistawho.com
