Është tashmë e ditur lidhja e ngushtë që krijojnë vajzat me baballarët. Sa e sa histori e studime kanë treguar në vite për këtë marrëdhënie që nuk e ndryshon asgjë. As rritja e vajzës, as martesa e as largësia… Marrëdhënia e ngushtë baba-vajzë është shfaqur jo rrallë herë edhe nga personazhet publike në Shqipëri. Kështu psh, gjatë ditës së djeshme gazetarja Mira Kazhani publikoi një foto me të atin, marrëdhënien me të cilin duket se e ka shumë të afërt. Disa orë më vonë ishte po Mira ajo që zbuloi vetë një letër që i ati i kishte lënë në xhamin e makinës… Në të shkruhej “Fryji gomat. Kontrolloi! Babi”, – dhe duket se ky gjest e ka emocionuar shumë Mirën. Kujdesi i prindërve do të jetë gjithmonë maksimal për fëmijët me gjithë rritjen e tyre dhe kjo letër është dëshmia më e mirë për këtë.
