FOTO/ Beqar prej kohësh në publik, Arjon Muça rigjen dashurinë

Ka publikuar një foto romantike e na ka surprizuar të gjithëve ditën e sotme Arjon Muça. Bukuroshi që u bë i njohur pas pjesëmarrjes në edicionin e dytë të “Big Brother”, në mediat rozë kishte kohë që nuk përflitej për një lidhje dashurie. Që prej ndarjes nga bukuroshja Viola Spiro dhe disa fotove të publikuara nga koncerti i Dua Lipës vjet në Tiranë krah një vajze, Arjonin e kemi ditur të gjithë si beqar. Por me kohën moderatori i “You & Me” në “NRG Radio” paska gjetur sërish dashurinë, e këto ditë po e shijon atë në Romë. Ai ka publikuar një foto nga kryeqyteti italian, duke përqafuar një vajzë. Kush të jetë vallë ajo që i ka marrë zemrën bukuroshit Muça? Ndoshta vajza në foto është e motra Frensi, por ne po ndjekim dyshimin tonë nga dëshira për ta parë sërish çift. / revistawho.com