Ervina Ahmati është një modele e re nga Shqipëria, e cila është në hapat e parë të famës ndërkombëtare.
Ervina ka bashkëpunuar me disa nga emrat më të njohur të modës dhe për herë të parë është shfaqur në kopertinën e “Vogue”. Në një intervistë për “The London Tree”, Ervina ka rrëfyer më shumë mbi jetën e saj dhe projektet që ka në plan.
Modelja ka lindur në Has dhe në moshë të vogël është shpërngulur me familjen në Londër për të bërë të mundur realizimin e ëndrrës së saj më të madhe, pikërisht modelingun, shkruan Kosovarja.
“Projekti im i parë ka qenë me “Vogue”. Kam ngelur pa fjalë kur dëgjova se ata dëshironin të punonin me mua. Në përgjithësi të gjithë mendojnë se modelimi ka të bëjë thjesht me një buzëqeshje përballë aparatit, por nuk është aspak e vërtetë. Të duhet të punosh për orë të tëra dhe në fund vetëm 6 nga ato fotografi ia vlejnë. Isha 15 vjeçe kur dola për herë të parë në kopertinën e “Vogue”, që më vonë u pasua me një tjetër projekt me ta. Një nga ëndrrat e mia më të mëdha u bë realitet”,- është shprehur modelja.
