Kur ka vetëm pak kohë që është publikuar hiti i padiskutueshëm ‘Lejla’ i Elvana Gjatës në bashkëpunim me 2Po2 dhe Capital T, duket se ky i fundit nuk e ka ndërmend të ndalet. Ka mbetur vetëm një javë nga lançimi i projektit të tij më të fundit dhe reperi i famshëm ka vendosur të ndajë disa detaje të tjera për të shuar kureshtjen tonë.
Ai ka treguar se projekti do të titullohet “100” dhe momentalisht po punohet për videoklipin e tij. Një burim për “Prive.al” ka pohuar se producenti i kësaj kënge është Mixey ndërsa përsa i përket tekstit kjo e fundit është krijuar nga vetë Capital T.
