Një femër me shumë klas dhe mjaft unike në stilin e saj. Modele prej disa vitesh në Australi por shqiptare nga Maqedonia. Elita Demiri, vajza e cila nga Maqedonia u shpërngul për studime dhe për të jetuar fillimisht në Gjermani e pas mbarimit të studimeve u largua drejt Australisë tashmë po i jep fund beqarisë.
Duket që martesa nuk do i bëj aspak problem që ajo të vazhdojë akoma më tej të sfidojë veten në modelizëm. Me një pamje mesdhetare Elita me të përzgjedhurin e saj Dritonin kanë udhëtuar drejt Balit e më saktë në Seminyak për të realizuar ceremoninë martesore. ”Dasmën e kemi bërë në një villë në Bali, Seminyak. Dritoni më plotësoj këtë dëshirë të martesës që të jemi vetëm unë dhe ai pasiqë nuk jam shumë e tradicionales”, thekson në këtë bisedë Elita e cila ndonëse nuk është tradicionale me përpikmëri ka zgjedhur detajet e dasmës. ”Fustanin e kam qep por materialin e kam nga Roberto Cavalli, për muzikë kemi zgjedhur vetëm balada si më romantike ndërkohë pasiqë të kthehemi në Melburn do bëjm një darkë familjare sigurisht”, shton më tej modelja e njohur e cila vitin e ardhëshëm planifikon që të udhëtojë me bashkëshortin e saj drejt Kamboxhës vend ku ajo ka ndërtuar një shkollë për fëmijët e varfës ndërsa më pas një udhëtim drejt Europës.
