Është bukur të shohësh dy personazhe të rëndësishëm në futbollin shqiptar, teksa shprehin publikisht dashurinë për njëri-tjetrin. Bëhet fjalë për vëllezërit Xhaka. Taulanti feston sot 26-vjetorin e lindjes dhe në këtë ditë nuk kanë munguar fjalët e zemrës nga vëllai dhe shoku i tij më i mirë, Graniti.
“Vëllai im i dashur! Sot është një ditë e veçantë jo vetëm për ty, por për të gjithë ne. Sot ti mbush 26 vjeç. Unë të uroj nga zemra të bëhesh 100 vjeç, plot shëndet e shumë suksese në karrierë. Ti mendon se ne jemi larg, por me zemër unë jam çdo ditë pranë teje dhe kështu do të jetë gjithmonë. Do të mbështes gjatë gjithë jetës dhe dua të them që jam shumë krenar me ty. Je vëllai më i mirë në botë dhe të dua shumë”-shkruan ai. Dhe ne djema jemi krenarë për talentin tuaj dhe atë çka përfaqësoni në arenën ndërkombëtare të futbollit./revistawho.com
https://www.instagram.com/p/BSLKV8qFEmu/?taken-by=granitxhaka
