FOTO/ Derbi, opozita sfidon mazhorancën në volejboll në plazh

Plazhi i Drimadhes ditën e sotme është bërë dëshmitar i një tjetër ndeshjeje mes pozitës dhe opozitës politike në vend, por këtë radhë ndeshja nuk ka qënë me fjalë si në foltoren e Parlamentit. Ministri i Rinisë, Blendi Klosi, është ndeshur në një ndeshje volejbolli kundër deputetit të opozitës, Nard Ndoka. Dy figurat politike duket se kanë zgjedhur të njëjtin vend për të kaluar pushimet, ndaj dhe kanë përfituar nga rasti për të dhuruar spektakël me anë të një ndeshjeje volejbolli. Kjo ngjarje e ditës së sotme, e përcjellë me foto ekskluzive nga newsport.al, konfirmon një shprehje të vjetër që qarkullon në popull, ku thuhet se politikanët e palëve të kundërta bëjnë sikur janë armiq në sallën e Kuvendit, ndërsa jashtë saj janë miq mjaft të mirë me njëri-tjetrin./ Panorama