Tea Zhuli është një nga konkurrentet më simpatike e më të përfolura të “Big Brother”. Gjatë qëndrimit në shtëpinë e famshme Tean e ngacmonin disa prej djemve por ajo priti përfundimin e lojës televizive për të nisur një lidhje dashurie. Dhe zgjodhi Veselin, djaloshin nga Kosova që u shpall edhe fituesi i atij edicioni. Mirëpo kjo marrëdhënie zgjati pak. U zbulua shpejt që çifti u nda por arsyet mbetën të panjohura. Muaj më vonë duket se Tea ka nisur një tjetër romancë me një tjetër djalë që konkurronte në “Big Brother” bashkë me të. Ai është Kristi, djaloshi nga Korça që asokohe shfaqi publikisht pëlqimin për Tean. “Gjithçka kam nevojë” shkruan sot Tea në një foto ku shfaqet përqafuar me Kristin, duke konfirmuar kështu marrëdhënien e tyre.
