Blogerja shqiptare Estela Ujka disa javë më parë është bërë nënë e fëmijës së tretë. Ajo njihet si një nga femrat më me stil të showbizit dhe është e pranishme në eventet më të rëndësishme të kryeqytetit. Para pak ditësh publikoi një foto me rroba banjo duke mos u përpjekur fare të fshehë format e saj trupore të pas lindjes. Pati nga ata që e kritikuan, por më shumë nga ata që e mbështetën. Estela tregoi të vërtetën e çdo nëne vetëm me një foto.
Para disa orësh, blogerja vazhdoi me publikimin e fotove pa u shqetësuar aspak nga mendimet e të tjerëve, por këtë herë për komentin negativ të një vajze foli Armina Mevlani. “Çdo femër është e mrekullueshme dhe ne femrat duhet ta mbështesim njëra-tjetrën dhe jo të flasim kështu. Ajo është më bebe të vogël dhe pa komplekse, siç e ka bërë natyra dhe 100 herë më mirë sesa një pamje fallco me silikon”,-shkruan Armina duke dhënë një mesazh të qartë për çdo femër./revistawho.com
